Yn y Ganolfan Gynghori, mae'r Ymgynghorydd Myfyrwyr ar y cyd â'r swyddog sabothol dros Addysg a Lles yn cynnig cyngor cyffredinol ar ystod eang o faterion:

Mae'r Ganolfan Cyngor a Chynghori Myfyrwyr (CCChM) yn bodoli er mwyn cynnig cefnogaeth a chyngor i chi mewn lle diogel a chyfrinachol. Fe'i rhedir gan yr Urdd ac mae'n annibynnol o'r Brifysgol. Rydym yn canolbwyntio'n bennaf ar gyfarwyddyd a chynghori personol ac rydym yn cynnig cyngor ar ystod eang o bynciau:

Tai: Gallwn helpu i ddatrys unrhyw broblemau neu bryderon sydd gennych ynglŷn â llety yn y brifysgol neu lety preifat.

Cyllid: Os ydych chi'n cael trafferth gyda'r Cwmni Benthyciadau Myfyrwyr neu'n wynebu gwasgfa bywyd myfyriwr ar eich cyfrif banc, galwch i'n gweld i gael cyngor ymarferol ar ddatrys agweddau ariannol cymhleth bod yn y brifysgol.

Materion Academaidd: Os ydych chi eisiau apelio yn erbyn canlyniadau eich arholiadau fe roddwn ni gyngor i chi am y broses ac fe ddown ni gyda chi i wrandawiadau apêl os ydych chi'n dymuno. Yn yr un modd, os ydych chi wedi cael eich cyhuddo o lên-ladrad neu weithredu'n annheg gallwn fynd drwy'r hyn a fydd yn digwydd a'ch cynrychioli yn y gwrandawiad. Gallwn hefyd eich helpu i ystyried eich dewisiadau os ydych yn ystyried newid cyrsiau, adrannau neu hyd yn oed Brifysgolion.

Am unrhyw beth arall, galwch i mewn i'n gweld yng nghefn adeilad yr Urdd ar y llawr gwaelod. Rydyn ni i gyd yn gyfeillgar iawn!

 

Yr un fath â phopeth arall a gynigir gan yr Urdd, myfyrwyr sy'n arwain y gwasanaeth hwn ond rydym hefyd yn aelod o'r Ffederasiwn Canolfannau Cynghori Annibynnol (Federation on Independent Advice Centres [FIAC]) ac yn tanysgrifio i Gymdeithas Genedlaethol Cyngor ar Bopeth (NACAB). Mae ein cynghorwyr i gyd yn aelodau o Gymdeithas Cynghori a Seicotherapi Prydain (BACP). Mae CCChM yn amgylchedd cyfrinachol.