Mae Ymlacio Dyfn yn ffordd syml o dawelu'r meddwl ac ymlacio'ch corff. Gan ddefnyddio'r canllawiau isod, gall ddysgu ac ymarfer ymlacio fod yn un o'r pethau gorau gallwch wneud i chi'ch hun. Darllenwch y canllawiau isod cyn lawrlwytho'r gerddoriaeth ar waelod y dudalen.

• Paratowch i Ymlacio
• Diffoddwch eich ffôn
• Sicrhewch na fydd dim yn tarfu arnoch
• Sicrhewch eich bod yn ddigon cynnes. Defnyddiwch flanced neu ddillad ychwanegol os oes angen
• Eisteddwch neu gorweddwch yn ddistaw ac yn gyfforddus
• Caewch eich llygaid

Y gyfrinach yw peidio trio'n rhy galed - gadewch iddo ddigwydd i chi. Peidiwch â phoeni os nad ydych yn dda am gyrraedd lefel ddofn o ymlacio, cadwch agwedd oddefgar a gadewch i'r ymlacio ddigwydd yn naturiol.

Delio gyda Tharfiadau
Gall eich meddyliau dynnu'ch sylw chi. Peidiwch â meddwl gormod am y rhain, na beio'ch hun am gael y meddyliau hyn. Trowch eich sylw'n ôl i'r gerddoriaeth.
Os ydych yn dechrau teimlo'n benysgafn neu'n fyr o wynt, mae hyn oherwydd eich bod yn gor-anadlu gan eich bod yn bryderus am ei wneud yn iawn. Anadlwch allan yn naturiol pan mae'r corff angen gwneud.

Ar ddiwedd y gerddoriaeth
Pan mae'r gerddoriaeth wedi gorffen, eisteddwch yn dawel am rai munudau, ac yna sefwch yn araf.

Ymarferwch yn Rheolaidd
Ymarferwch yn ddyddiol ond ddim am ddwy awr ar ôl bwyd - ymddengys fod treulio bwyd yn ymyrryd â'ch gallu i ymlacio.
Yn aml, mae'n ddefnyddiol dewis amser rheolaidd i ymarfer bob dydd. Mae'n hawdd anghofio ymarfer os ydych yn ei wneud ar amser gwahanol bob dydd.

Cliciwch isod i lawrlwytho'r gerddoriaeth:

Trac 1 (34.5MB)

Trac 2 (33.6MB)

Mae croeso i chi lawrlwytho'r traciau hyn i'ch defnydd eich hun: ar eich cyfrifiadur, chwaraewr MP3, ei losgi ar CD ayyb.
Argymhellir chi i lawrlwytho'r traciau hyn ar gysylltiad band eang e.e. o gyfrifiadur ar rwydwaith y Brifysgol.

Noder: Mae'r rhan fwyaf o bobl yn ystyried fod traciau ymlacio o gymorth; ond gall rai pobl gael ymatebion di-groeso i ymlacio dyfn. Os yw hyn yn digwydd, trafodwch y peth gyda'ch cynghorydd / cysylltwch gyda'r CCChM.

Sicrhewch eich bod mewn lle diogel pan yn gwrando ar y traciau hyn, h.y. peidiwch â gwrando arnynt wrth yrru, gweithio ar beiriannau, reidio beic neu unrhyw gerbyd arall nac wrth groesi'r ffordd. Ni allem dderbyn cyfrifoldeb dros unrhyw ddamweiniau a achosir gan ddefnydd y traciau hyn mewn amgylchiadau neu sefyllfaoedd na argymhellir.