Beth yw Bwlio?

Mae bwlio fel arfer yn cynnwys person neu grŵp yn manteisio ar y ffaith eu bod yn teimlo'n fwy pwerus na rhywun arall. Mae sawl math o fwlio megis: cau pobl allan o gylch cymdeithasol; camdriniaeth hiliol a homoffobig; cael eich neilltuo am fod yn 'wahanol'; camdriniaeth ac anffafriaeth rywiol; cael eich gwawdio am sefyllfa eich teulu; ac ymosodiadau corfforol a threisgar.

Nid yn yr ysgol yn unig mae bwlio'n digwydd! Gall ddigwydd i unrhyw un, unrhyw oed, mewn unrhyw sefyllfa mewn bywyd - gan gynnwys yn y Brifysgol!

Sut i drechu Bwlio

• Codwch eich llais – siaradwch gyda thiwtor, cynghorydd myfyrwyr neu sefydliad arbenigol.
• Iaith y Corff – mae bwlis yn canolbwyntio ar dargedau hawdd, felly’r mwyaf hyderus yr ydych yn teimlo a’n edrych y llai tebygol y cewch eich bwlio.
• Diogelwch mewn niferoedd - dewiswch y ffordd fwyaf diogel a mwyaf cyhoeddus i fynd adref/i’r Brifysgol a cheisiwch fod mewn criw trwy’r amser.
• Cerddwch i ffwrdd – tynnwch eich hun o’r sefyllfa os yw’n bosib.

Siaradwch gyda rhywun

Mae cynghora ar gael i fyfyrwyr trwy’r CCChM trwy gysylltu gyda undeb.lles@aber.ac.uk.
Gallwch siarad gyda’ch tiwtor personol, neu unrhyw diwtor arall yr ydych yn fodlon siarad gyda nhw.
Gellir cysylltu gydag elusennau/sefydliadau allanol am gymorth cyfrinachol.

www.bullyonline.org Gwefan ar gyfer achosion o fwlio yn y gweithle, yn y teulu ac mewn sefydliadau fel prifysgolion.
www.bullying.co.uk Darparu gwybodaeth ar oblygiadau cyfreithiol, yn ogystal â chyngor i fyfyrwyr a phlant ysgol sy’n cael eu bwlio.
www.thesite.org Darparu cyngor i bobl ifanc rhwng 16 a 24 oed ac mae gan y wefan rannau arbennig ar fwlio.
www.bbc.co.uk/radio1/onelife  Tudalennau cymorth a gwybodaeth gyffredinol ar drechu bwlio mewn prifysgolion a cholegau.

Gallwch hefyd ffonio:
CARELINE  - 020 8514 1177 ar gyfer cynghora dros y ffôn i bobl ifanc ar unrhyw fater.  
BULLYWATCH—01454 318753 ar gyfer cymorth gyda materion yn ymwneud â bwlio.
Y Samariaid—08457 909090 ar gyfer gwasanaeth gwrando a chymorth 24 awr.