A ydych chi'n poeni am ffrind neu gyd-fyfyriwr?

Arwyddion o broblemau

• A yw'ch ffrind wedi dweud wrthych fod ganddynt broblem?
• A oes yna unrhyw newidiadau dramatig wedi bod yn y ffordd maent yn edrych/eu pwysau/eu hylendid?
• A ydynt yn yfed mwy o alcohol neu'n cymryd cyffuriau?
• A yw eu hwyliau wedi newid yn sylweddol yn ddiweddar?
• A yw pobl eraill wedi mynegi eu pryder?
• A yw eu hymddygiad wedi newid e.e. ddim yn cymdeithasu gymaint ag arfer, yn dawel, ddim yn mynd i ddarlithoedd ayyb.
• Gall unrhyw un o'r arwyddion hyn ddynodi angen i fod yn bryderus am eich ffrind.

Beth i'w wneud nesaf

• Ni fydd osgoi'r sefyllfa neu gocsio nad oes dim o'i le yn helpu eich ffrind, felly dyma awgrymiadau defnyddiol i ddelio â ffrind sydd mewn trafferth:
• Cyfathrebwch eich pryderon i'ch ffrind. Mae gadael iddynt wybod eich bod yn poeni amdanynt ac yn barod i wrando arnynt yn gam cyntaf allweddol.
• Anogwch eich ffrind i gael cyngor eu doctor neu ystyried gweld cynghorydd.
• Byddwch yn realistig ynglŷn â beth allwch chi ei gyflawni ar eich pen eich hun. Peidiwch â cheisio gwneud gormod a chofiwch fod yn well i rywun proffesiynol ddelio â rhai pethau. 
• Anogwch hwy i wneud ymarfer corff a bwyta'n iach. O bosib gallwch drefnu i'w cwrdd am bryd o fwyd neu ddosbarth ymarfer corff am na fyddent o bosib yn trefnu unrhyw beth ar eu pen eu hunain.
• PEIDIWCH â dweud wrthynt i 'gyfrif eu bendithion', neu i 'snapio allan o'r peth'. Nid yw'r rhain yn helpu.
• Byddwch yn sensitif. Efallai nad yw'ch ffrind yn teimlo fel eu hunain, felly peidiwch â chael eich pechu os ydynt yn gwrthod eich cynigion neu fod eu hymatebion yn gwta. Parhewch i ddangos eich bod yn meddwl amdanynt.
• Os credwch fod rhywun yn ddifrifol isel eu hysbryd, neu mewn perygl, PEIDIWCH â chario'r baich ar eich pen eich hun - canfyddwch gymorth gan y gwasanaeth Cynghora, eich tiwtoriaid neu ddoctor. Ceisiwch gael caniatad eich ffrind i siarad gyda chymorth allanol, ond cofiwch mai eu diogelwch personol nhw sydd bwysicach felly efallai bydd rhaid i chi weithredu heb eu caniatad.

Mae straen yn ganlyniad o golli'r cydbwysedd rhwng yr holl alw arnoch chi a'ch gallu i ddelio gyda nhw. Mae'n effeithio eich system gyfan - eich corff, teimladau, meddwl ac ymddygiad. Rydych angen cymryd yn ôl peth reolaeth.

Beth i'w wneud -

• Rheoli eich amser. Gosod blaenoriaethau. Rhannu cyfrifoldebau gydag eraill.
• Dysgu dweud na.
• Gwobrwyo eich hun pob tro y byddwch yn cyflawni eich nod.
• Gwneud amser i chi eich hunain - gwneud pethau er eich mwynhad eich hun.
• Dod o hyd i ffyrdd o ymlacio sydd yn gweddu i chi, a'u defnyddio pob dydd - anadlu'n ddwfn, myfyrdod, yoga, peintio, cerdded.
• Rhyddhau tensiwn gyda gweithgaredd corfforol.
• Digon o gwsg a chymryd seibiant pan fyddwch wedi blino.
• Lleihau symbylydd - coffi, alcohol, ysmygu.
• Osgoi tawelyddion - tabledi cysgu yw'r ateb olaf.
• Os ydych yn sâl, peidiwch â pharhau yn ddifater.
• Dysgu sut i ddatrys problemau, yn hytrach na'u hosgoi nhw.
• Os ydych yn poeni, neu'n anhapus, ewch i chwilio am rywun i allu sgwrsio.

Os yw straen yn amharu'n ddifrifol ar eich bywyd ac rydych eisiau gweld cynghorydd, cysylltwch gyda'r Ganolfan Gyngor a Chynghori Myfyrwyr.