Mae gan Siop yr Urdd gasgliad DVDs i'w rhentu sy'n cynnwys ystod eang o'r ffilmiau diweddaraf.  

Ymaelodwch!

Nid oes tâl am aelodaeth - a gallwch unai ymuno yma arlein neu drwy ddod i'r siop gyda'ch cerdyn myfyriwr (cerdyn llyfrgell y Brifysgol) a chwblhau ffurflen gofrestru.

Dim ond 99c yw'r gost am un ffilm am noson ac os rhentwch 5 DVD, cewch un arall AM DDIM!

Chwilio'r Casgliad a gwirio eich cyfrif

Dilynwch y ddolen hon i Koha (ein system rhentu) lle gallwch:

• chwilio'r casgliad a chanfod beth sy'n newydd
• gwirio'r ffilmiau sydd ar rent gennych, dirwyon a manylion personol
• gwneud cais am DVD sydd ar rent yn barod

Noder: Mae'n rhaid i chi fod ar rwydwaith y Brifysgol, neu wedi cysylltu trwy VPN, i ddefnyddio Koha. Mae'r system fel arfer ar gael rhwng 8yb a 10yh pob dydd.

I fewngofnodi, mae angen arnoch rif eich cerdyn aelodaeth (os gwnaethoch ymaelodi gyda'r cerdyn myfyriwr, rhif y côd bar ar y cerdyn yw'ch rhif aelodaeth) a chyfrinair. I'ch rhoi ar ben ffordd, rydym wedi rhoi eich cyfenw (mewn llythrennau bach) fel eich cyfrinair, ond gallwch newid hyn ar ôl mewngofnodi.

Gyda llaw, os oes gennych ddiddordeb, rydym yn defnyddio Koha - system llyfrgell ffynhonnell agored a di-dâl.

Mae Koha yn gofalu am ein casgliad, manylion aelodau ac wrth gwrs yn cadw golwg ar le mae ein DVDs. Mae hefyd yn gyrru ebost yn awtomatic yn oriau mân y bore i'r aelodau drwg sydd â benthyciadau hwyr.