Croeso i dudalen 'Urdd Werdd' Urdd y Myfyrwyr Aberystwyth.

Amgylcheddol, byw'n wyrdd ac ailgylchu; termau y byddwch yn eu clywed yn y Brifysgol. Felly, beth yw rôl yr Urdd yn hyn i gyd?

Pan fyddwch yn ymweld â'r Urdd mi fyddwch yn sylwi ar y canlynol:

Biniau Ailgylchu

Mae'r rhain yn y Neuadd a’r Bar yn ogystal â choridorau'r swyddfeydd. Mae'r Urdd yn annog pawb sy’n defnyddio’r adeilad i ailgylchu papur, plastig, caniau yfed, pecynnau tetra, batris a chetris inc...

Biniau Poteli Gwydr / Plastig

Yn ystod digwyddiadau'r Urdd, mae staff y bar a'r stiwardiaid yn sicrhau bod yr holl boteli yfed yn cael eu hailgylchu.

Derbyn Nwyddau

Pan fo'r Urdd yn derbyn llawer o nwyddau i'r Siop a'r Bar, treulir amser yn lleihau'r deunydd pacio gan ailgylchu cymaint ohono ag sy'n bosib.

Mi fyddwch yn gweld rhai o'r pethau uchod pan fyddwch yn ymweld â'r Urdd, ond mae yna bethau'n mynd ymlaen na fyddwch yn eu gweld gan gynnwys:

Biniau'r Swyddfeydd

Anogir yr holl staff i roi papur mewn bin ar wahân yn eu swyddfa.

Cegin yr Urdd

Mae yna amrywiaeth o finiau ailgylchu wedi'u gwasgu mewn i'r gegin fach brysur. Rydym hefyd wedi gosod peiriant dŵr poeth ac oer sy’n defnyddio llai o ynni na berwi tegell.

Papur Ffotocopïo / Argraffu

Defnyddir papur wedi'i ailgylchu bob amser.

Botymau amseru trydanol

Mae rhai wedi'u rhoi ar rai nwyddau trydanol ac maent yn torri'r pwer pan fydd yr adeilad ar gau.

Hyfforddiant Staff

Mae holl staff newydd yr Urdd yn cael gwybod am ymrwymiad Gwyrdd yr Urdd.

Polisi Amgylcheddol

Mae gan yr Urdd bolisi amgylcheddol cryf, os oes arnoch eisiau gwybod mwy, cysylltwch â Tim Morgan (undeb.adeiladau@aber.ac.uk) neu Martyn Saycell (ays@aber.ac.uk).

Gwobrau

Mae'r Urdd wedi cael y safon 'Arian' yng ngwobrau Green Impact yn ddiweddar. Am fwy o wybodaeth ar hyn ewch i http://www.greenimpact.org.uk/GISUnc

Attachments:

Copy of elec+gas+copier+recycling.pdf	[ ]	102 Kb
environmental performance traffic light.pdf	[ ]	10 Kb
lighting and equipment shutdown during shutdown period - cymraeg.doc	[ ]	131 Kb
lighting and equipment shutdown during shutdown period.doc	[ ]	126 Kb
minimum eff spec list 190210.doc	[ ]	120 Kb