Dyna fi yn y llun acw - Tom. Weithiau os yw hi braidd yn oer mae’n bosib y byddaf yn gwisgo fy mhonsio mawr brown o gwmpas y campws. Dan yr amgylchiadau hyn byddaf yn ateb i “Ponsio” neu “Ponsio Tom”! Wedi graddio o’m cwrs israddedig mewn Gwleidyddiaeth Ryngwladol, fy nyletswydd i bellach yw cynorthwyo a chynrychioli myfyrwyr fel Swyddog Cymorth Myfyrwyr yr Urdd. Mae fy nghyfrifoldebau’n cynnwys unrhyw beth sy’n ymwneud â materion lles a wyneba myfyrwyr o ddydd i ddydd yn Aberystwyth - problemau personol, ariannol, problemau llety, iechyd a hygyrchedd. Yn ogystal â chynorthwyo myfyrwyr a chynnal ymgyrchoedd, byddaf hefyd yn cynrychioli’ch lles chi ar bwyllgorau ac yng nghyfarfodydd y Brifysgol sy’n ymwneud â’ch bywyd chi - gan fynnu gwasanaethau a gweithredoedd gwell a mwy cyfiawn, mwy effeithlon a mwy tryloyw gan y Brifysgol. Mae croeso i chi yrru e-bost ataf neu ddod draw i’m gweld yn swyddfa G4 sydd wedi’i leoli’n gyfleus iawn tu ôl i gaffi’r Underground yn yr Undeb. Hwyl a phonsio!

Tom Burmeister, Swyddog Cymorth Myfyrwyr

Ebost: union.support@aber.ac.uk

Ffôn: 01970 621741