Yma yn Aber mae gennym gymaint i'w gynnig o ran y clybiau chwaraeon sydd yma a gall ymuno gydag un neu fwy o'r rhain wella'ch amser yn y Brifysgol yn sylweddol. Mae nifer o ffyrdd i ymuno â chlwb fel y gwelir yma:

• Yn ystod Wythnos y Glas mi fydd yna Ffair Chwaraeon a gynhelir eleni ar ddydd Mawrth 28ain Medi. Mae'r diwrnod hwn yn darparu cyfle i'n clybiau chwaraeon gyflwyno eu hunain i chi a rhoi'r cyfle i chi sgwrsio a gofyn unrhyw gwestiynau y mynnoch. Gallwch ymuno ag un clwb yn unig neu bob un ohonynt, gwnewch fel y mynnoch!
• Yn ychwaneol i'r ffeiriau yn ystod Wythnos y Glas, cynhelir hefyd Ail Ffair y Glas hanner ffordd trwy'r flwyddyn sy'n rhoi ail-gyfle i chi ymuno â chlwb os wnaethoch fethu'r ffeiriau cynt neu os oes gennych awydd rhoi cynnig ar rywbeth gwahanol.
• Yn olaf, os wnaethoch fethu'r ddwy ffair uchod, na phoener. Gallwch weld rhestr gyfan o'r holl glybiau a'u manylion cyswllt ar ein gwefan felly gallwch yrru ebost atyn nhw am unrhyw wybodaeth gan gynnwys pryd maent am gwrdd nesaf. Ar ben hyn, mae gan nifer o'r clybiau wefannau eu hunain ac mae'r dolenni i'r rhain ar y rhestr o'r clybiau gan eich galluogi chi gael golwg ar yr hyn sydd ganddynt i'w gynnig.

Cofiwch!!!!

I ymuno â chlwb chwaraeon, mae'n rhaid i chi gael Cerdyn Sborti sydd ar gael o Ganolfan Chwaraeon y Brifysgol. Gellir prynu'r rhain cyn dechrau'r flwyddyn trwy ddefnyddio'r ffurflen gais yn y pecyn post a yrrwyd i chi gan y Brifysgol, neu yn Ffair y Glas yn ystod Wythnos y glas neu yn y Ganolfan Chwaraeon sydd ar y campws.