Mae’n siwr y gwyddai lawer ohonoch fod gwasanaethau Ysbyty Bronglais dan fygythiad difrifol, mae Bwrdd Iechyd Hywel Dda, sy’n rheoli’r ysbyty, yn cynllunio toriadau a fydd yn niweidio’r gwasanaethau a fydd ar gael yno. Un o’r gwasanaethau dan fygythiad yw llawfeddygaeth frys, a fydd maes o law yn effeithio ar yr adran Damweiniau ac Achosion Brys i gyd.

Mewn tref sydd â phrifysgol ynddi, mae hyn yn broblem ddifrifol. Rwy’n siwr roedd rhieni llawer ohonoch yn falch o wybod bod gan y dre’ wasanaeth damweiniau ac achosion brys gerllaw pe bai unrhyw beth yn digwydd. Rwyf hefyd yn siwr fod llawer ohonoch sy’n chwarae chwaraeon corfforol fel rygbi wedi defnyddio’r gwasanaeth sawl gwaith. Yn olaf, fe wyddom i gyd fod myfyrwyr am aml yn eu cael eu hunain yn yr ysbyty ar ôl yfed gormod.

Pe bai’r toriadau’n digwydd, ni fyddai hyn yn golygu taith fer i Fronglais, byddai’n daith hir i Gaerfyrddin! Pe bai rhywbeth difrifol yn digwydd, mae hynny’n siwrnai hir ofnadwy, ac ni fyddai o les i’r broses adfer o gwbl.

Rwyf wedi mynegi fy mhryder i’r Bwrdd Iechyd yn barod (ond heb gael ateb, mis yn ddiweddarach) yn ogystal â mynegi cymorth i’r gymuned leol y byddai’r holl doriadau arfaethedig yn effeithio arni.

Ar 29ain Chwefror, bydd y grŵp ymgyrchu lleol aBer yn mynd â sawl bws lawr i Gaerdydd i brotestio yn erbyn y cynigion anystyriol hyn. Rwy’n erfyn arnoch i gadw’ch lle a dangos eich cefnogaeth dros yr ymgyrch hwn.

Gallwch weld y manylion ar Facebook: https://www.facebook.com/events/234124766676404/

Byddaf yn mynd felly os ydych am ddod hefyd, gyrrwch ebost ataf er mwyn i’r myfyrwyr sydd yno fod gyda’i gilydd gan ddangos i’r Bwrdd Iechyd a Llywodraeth Cymru ein bod o ddifrif.

Lledaenwch y neges.

Ben

Ebost: undeb.llywydd@aber.ac.uk
Facebook: Urdd y Myfyrwyr Prifysgol Aberystwyth
Twitter: bmeakin