Mae Clwb Rhedeg Harriers Prifysgol Aberystwyth yn trefnu ras 5k ar yr 11eg Mawrth 2012 er budd Unicef. Mae’n gwrs gwastad sy’n dechrau ac yn gorffen ar bromenâd Traeth y Gogledd, ac sy’n codi arian dros achos ardderchog. Yn ogystal â chystadleuaeth i dimau ar gyfer clybiau athletaidd cysylltiedig, mae yna hefyd gystadleuaeth i dimau ar gyfer myfyrwyr felly gallwch gystadlu dros eich clwb neu’ch cymdeithas.

Yn ogystal â rhedwyr, bydd hefyd arnom angen stiwardiaid ar gyfer y ras, dim ond 5km yw hi felly ni fyddwch yn sefyll o gwmpas am yn hir, ond byddwch yn rhan hanfodol o’r ras. Os oes arnoch eisiau stiwardio neu fwy o wybodaeth am y ras cysylltwch â auharriers@gmail.com.

Cliciwch am ffurflen gofrestru a map o'r ras...

Byddwn ni'n dechrau'r broses o benodi myfyrwyr i weithio yn Urdd y Myfyrwyr ar 13/02/12.

Cliciwch i ddarllen disgrifiadau'r swyddi sydd ar gael.

Bydd ffurflenni cais ar gael arlein o 13/02/12 ymlaen, unrhyw gwestiynau cysylltwch â ays@aber.ac.uk

Mae’r amser wedi dod o’r diwedd am GAMPAU’R CEWRI 2012!!

Campau’r Cewri – Merched – 24ain-26ain Chwefror

Campau’r Cewri – Dynion – 2il-4ydd Mawrth

Eleni, rydym wedi newid ffurf y gystadleuaeth er gwell a fydd yn profi Cewri Aber i’r eithaf yn yr ymgais i fod yn Bencampwyr Campau’r Cewri!!

Os oes arnoch eisiau bod yn rhan o un o ddigwyddiadau cymdeithasol gorau’r flwyddyn sy’n agored i bawb, mae cofrestru’n dechrau ddydd Gwener 30ain Ionawr yma ar wefan yr Urdd.

Eleni, bydd arnoch angen 9 aelod yn eich tîm (nid 7 fel o’r blaen) a £100 rhyngoch chi gyd, felly dewch â’ch tîm ynghyd a mwynhewch y tynnu coes, y miri a’r frwydr. Rhaid cofrestru a thalu ar-lein.

Unwaith rydym wedi cael eich taliad, cadwch eich e-bost o gadarnhad gan PayPal yn ddiogel gan hwn fydd eich cadarnhad o’ch lle yn y gystadleuaeth tan i chi gael mwy o wybodaeth.

Coeliwch chi fi, ni ddylech fethu’r achlysur hwn.

Barod amdani? Cofrestrwch eich tîm yma o 10am ymlaen ar 30ain Ionawr!!

HEFYD....

RYGBI 7

Mae’r paratoadau wedi hen gychwyn ar gyfer cystadleuaeth Rygbi 7 2012 a gynhelir ar y 5ed a’r 6ed Mai. Bydd modd i dimau gofrestru ar y wefan hon o ddydd Llun 30ain Ionawr 2012 ymlaen. Os oes gennych unrhyw gwestiynau mae croeso i chi gysylltu â’ch Swyddog Gweithgareddau, Alun Minifey ar actstaff@aber.ac.uk

Noder:
Peidiwch ag archebu cit cyn i’ch lle yn y gystadleuaeth gael ei gadarnhau. Mae Rygbi 7 yn gêm gorfforol ac mae perygl o gael anaf.

Mae Mid Wales Travel wedi cyhoeddi ei bod nhw wedi gostwng pris ei cherdyn teithio i £40 o Ddydd Llun Ionawr 16eg 2012. Mi fydd y cerdyn yn trengi ar y 30ain Medi 2012.